सद्धर्म चर्चा - २०७७ जेठ २२ गते - मारयात त्याकेगु उपाय

मारयात त्याकेगु उपाय

·       मारं झीत क्वत्यला तइगु हे झीगु होस् मदइवले अथवा सांसारिक विषय वस्तुस भुलय् जुया च्वनीबले खः । उकि मारया पञ्जां मुक्त जुइगु प्रमुख उपाय हे होस् दयेका च्वनेगु, चायेका सिइका च्वनेगु खः ।

-      सिइकेगु उपाय छु छु दु ?

·       किताव ब्वना,

·       धर्म श्रवणयाना,

·       संगत याना,

·       चिन्तन याना,

·       अवलोकन याना

·       ध्यान भावना याना

-      समययात प्राथमिकीकरण यायेगु - समय गन वितय् यायेगु धैगु विचायाना सारगु कथं समययात छ्यलेगु ।

-      थःगु कमजोरी म्हसिकेगु - झीगु चित्त तुरून्त हे मज्जा कायेगु विषय पाखे वने धुंकिगु अले उकि भुलय् जुया च्वनिगु । मनुष्यत थथे कामविषयस भुलय् जूगु देवपुत्र पिनि तसकं यः । मनुष्य पिनि ज्ञान लाभ याइगु इमि तसकं मयः । उकिं देवपुत्रमार धैगु काम विषयस लिप्तजुइगु चित्तया प्रवृतियात इंकित याइगु खः । तिब्बती परम्परा छगू दु - देवपुत्र मनुष्य लोके वया छन्हु निश्चित दिन कुन्हु स्व वइगु हँ । उकुन्हुया दिने देवपुत्र पिन्त क्यनेत भिक्षु पिं मोज मस्ति याथेँ याना च्वनेगु छगू रितिथिति नं चलेजुया च्वँगु दु । थथे काम विषयस भुलय् जुइगु बानीया वारे होस् तयेगु, थुकिया कारण सिइकेगु अले उगु वानीयात प्रहाण यायेगु ।

मायाया वद्यते लोक आशया बहुचिन्तक

आयु क्षीण नजानाति तस्मात् जागृत जागृत

इच्छा चिन्तना आपा यायाँ, मायाया कारणं संसारय् भुलय् जुया च्वँम्ह
आयु फुना वना च्वँगु स्युगु मखु, उकि न्ह्यलँ चायेकि हे न्ह्यलँ चायेकि ।

-      भुलय् जुइगु मुल कारण -  न्हयपनं न्यनेगु, मिखां स्वयेगु आदि पञ्चकाम विषयपाखेँ सुख वःगु थेँ ताइगुया कारण - विपर्यास (माया) खः । द हे मखुगु विषयवस्तु दु थेँ ताइगु, बाँला धाये मल्वःगु विषयवस्तु बाँला ताइगु दक्व हे चित्त इन्द्रिय तीक्ष्ण मजुगु कारणं भ्रामक दृष्टि उत्पन्न जुया वहे अनुसार बाँला बाँमला भापिइगु खः  । चित्तया थ्व अवस्थायात मोह, अविद्या, अज्ञान, मिथ्थ्यादृष्टि आदि विभिन्न नामं थुइकेज्यु ।थुकथंया अविद्याया कारणं हे भुलय् जुइगु, असत्य व भ्रमया संसारय् मज्जा ताया च्वनेगु याइ गुकि यात त्याग याये वहः जू ।

·       अभ्यास >

-      सम्येक ब्यायाम - मारयात त्याकेत प्यँगू कथंया प्रयत्न निरन्तर याना च्वनेमा

१.     प्रहाण प्रयत्न - दयाच्वँगु अकुशलया क्रमशः त्वतुंत्वतुं फुक्कं मदयेका छ्वयेगु

२.     सम्येक संयम प्रयत्न - मदुगु अकुशलयात दुहाँ वयेके मविगु, वालं चिना तयेगु

३.     भावना प्रयत्न - उत्पन्न मजुनिगु कुशल विचार वानीयात उत्पन्न यायेगु

४.     अनुरक्षण प्रयत्न - उत्पन्न जुगु कुशल यात रक्षा याना तयेगु, विनाश मजुइकेगु

·       मार त्याकेगु उपाय (नामसंगीतीया टीकास उल्लेख जू कथं)

-      देवपुत्र मारयात त्याकेत - कामाश्रव क्षय यायेगु ।

·       आश्रव - छगू सिधलकि हाकनं हाकनं वइगु

-      क्लेशमार त्याकेत - अविद्या प्रहाण यायेगु

-      स्कन्धमार - दृष्टि आश्रव क्षय यायेगु

-      मृत्युमार त्याकेत - भव आश्रव क्षय यायेगु