दिं १ - नामसंगिती पाठया उद्देश्य

नेपालय् बुद्ध धर्म  
मुसलमान क्षेत्रय् पाकिस्तान, अफगानिस्तान, बामियान मूर्ति ध्वस्त जूगु सामाचारत झिसँ न्यना हे वया च्वनागु खः । प्राचीन कालय् बुद्ध धर्मया केन्द्र जुया च्वँगु थुपिं थाय् त कालान्तरय् विभिन्न राजनैतिक अतिक्रमण जुजुं बुद्ध धर्मं नं अापालं प्रहार त फय् माल । थुपिं थासय् धर्मया नाँ तक हे बाँकि मदयेक तना वंगु अवस्थाय् थ्यँगु छ । थुजागु परिपेक्ष्यय् धर्म संस्कृतिया अभ्यास व ज्ञान संरक्षण जुया च्वँगु थाय् नेपाल खः । शुरू जुसाँ निसेँ तुते मजुइक चले जुयावयाच्वँगु थायेत मध्ये नेपाल हे सर्व प्राचीन थाय् जुल । 
नामसंगीति पाठया प्रचलन
नेपालमण्डलया थाय् थासय् नामसंगीतिया पाठ यायेगु प्रचलन दु । नामसंगीतिया प्रशिक्षण याना न्हुगु न्हुगु खलः पुचःत नं स्थापना जुया वःगु दु । थथे सयेकेगु धैगु पुसा पियेगु थेँ जक खः । थुकियात भावना यायेगु जीवनय् छ्यलेगु याये मफुसा पाठ जक सयेकेगुया फायदा म्हो जक जुइ । छगू उपमा पाखेँ खँ थुइके – डाक्टरं झितः वास च्वया हल तर वास मनःसा न्ह्याको हे बाँलागु वासः जूसां रोग लनि मखु । न्हापां बाँलागु वास धका म्हसिके नि मा । अले सेवन यायेमा । 

अर्थ व महत्त्व थुइके मा 
[उपमा] – छम्ह मचायात हिरा छप्व बिलधासा वं छु यार्इ । ल्वहँ धका जुक्क वाँछ्वइ । हिराया महत्त्व मथुगुया कारणं अथे जुइगु खः । जिं छुयाना च्वना धैगु मसिलकि उकिं गुलि फाइदा जुइ माःगु खः उलि जुइ मखु । गुबलेँला मखुगु लय् लाना च्वँगु वाः हे मचायाच्वने यः । पाठया भावार्थ वा शब्द थुइबले श्रद्धा दुगुना बढेजुइ ।

उद्देश्य

·       आकासधातु पर्य्यन्ते – नामसंगिती ब्वनागु उद्देश्य

o   आकासधातुया ब्याक्वं – च्वना च्वँपिं फुक्क प्राणिपिं

o   दुःखं छुटय् जुया वनेगु लँपु

o   जिंयानागु  पुण्यया कारणं बुद्ध पद लायेमा ।

·       नामसंगिती ? – शाक्यमुनि पाखेँ कना विज्यागु शिक्षा – मंजुश्रीयागु ज्ञान

o   आ द्यः जक लुमंकेगु कथं सिमित जुजुँ वँगु  

o   मन्जुश्रीयागु नां – ८१२ वटा – ज्ञानया वर्णन

·       तिब्बत, चीन, अमेरिका, यूरोप

o   चीनय् पुस्तक

o   ८०० वर्ष पुलांगु राष्ट्रिय अभिलेखालयस संकलित

· नामसंगिती स्तुती     
नामसंगिती विख्यातं क्लेश ब्याधि महारिपु,

दुर्गतिमग्न सत्वानां दुःखश्च्छेद नमाम्यहम्।